Blogger ah Official Facebook Like Box Widget Siam Dan

Blogs emaw Websites puitling kan siam tawh chuan mite hnena tlangzarh hi a tul zel a. A bikin social media ah hian kan share tlangpui thin. Hei hi a pawimawh em em a, SEO lamah hma minti sawn bawk. Chuvangin kan blogs leh websites Facebook Fan page hi kan siam theuh a rin awm.

Facebook Fan Page Like Box hi plugin tha tak ani a, Facebook hian plugins dang dang websites tan hian a nei nghal. Chu Facebook Page Plugin hmang chuan Blogger Blogspot ah Facebook Like Box kan vuah ang. Tun tuma tutorial hi Official Facebook Page Like Box siam dan ani.

Facebook Fan Box/Like Box siam hi thatna tam tak a awm a. Blog tlawhtu ten Facebook hmanga subscribe dan nen hian a in ang reng. Blog tlawhtu ten Blog chhunga Facebook Page Like Box chu an like tawh chuan Facebook atanga i share Posts thar apiang chu Facebook atang anlo hmu nghal zel dawn tih chu kan hre theuh anga. Facebook hmang kan tam tak em avangin heng atang te te a subscribers kan zawn thiam angai tawh.

Facebook Page Plugin Siam Dan

1. Nangma Facebook Fan Page URL chu zawngla, facebook page chuan ama page url a nei veka, ID name a nei vek. A hnuaia picture ah hian han en la:

2. Fb Page Plugin ah hian kal rawh (click) https://developers.facebook.com/docs/plugins/page-plugin

3. Step 1. a Page URL kha copy la, Facebook Page URL ah hian Paste rawh.

Customization
- A chunga picture ang hian Width (zau lam) leh Height (san lam) hi kan sidebar a inmil tawk tur khan kan siam ang. A hnuaia Page Box example hi a rawn lang zel ang (Preview), i thlak danglam dan a zir khan example hian a lan dan tur alo hmuhtir zel ang che.
- I Facebook Page ah timeline posts ho chu lan tel tir i duh loh chuan Tabs ah hian timeline tih kha remove la;
- Cover Photo lan tir i duh loh chuan 'Hide Cover Photo' ah tick la;
- Box te deuh (header) i duh chuan 'Use Small Header' ah tick rawh. Hengte hi Preview ah hian a lan dan a rawn hmuh zel ang che.

4. I duh dan ang thlap anih hun ah "Get Code" button kha click rawh.

5. Code options pahnih a rawn lang anga, JavaScript SDK leh IFrame an ni ang. Blogger Sidebar ah kan dah luh dawn avangin IFrame code kan hmang dawn a, IFrame tab ah khan click la, a hnuaia picture ang hian Facebook Like Box code siamsa chu Copy rawh:

Blogger ah Facebook Page Like Box Add Dan

6. Blogger Dashboard atang khan Layout >> Add a Gadget

7. Pop-up window a rawn lang anga, 'HTML/JavaScript' gadget ah click la.

8. IFrame Code kan Copy kha, HTML content box ah hian Paste rawh.

9. 'Save' la, i site chu han reload leh chhin rawhle.

Note: AdBlock kan hmang chuan Facebook Page Box hi a lang theilo ang, AdBlock hian a lo block vang ani.

Hei hi Facebook Like Box website chhunga siam dan ani a. Official Facebook siam ani hrim hrim a, awlsam takin kan siam theih phah ani. Kan blog leh website ah te Official Facebook Like Box siam dan kan hmang tangkai a, tha taka kan siam theih zel ka bei sei e.