Free Website or Blogger Blog Siam Dan

He post hi ilo chhiar anih chuan blog siam i rilru tih ani mai lawm ni?

Mahse, beginner tan engtin nge pawisa tello a free website or blog kan siam ang?

A tawi zawngin Blog leh Website danglamna chu Blog (weblog, we blog) hi abikin personal leh small groups in an vuan a, online journal leh diary tan an hmang, reguar takin updates an siam reng; Websites hi chu company, organizations ten products leh services an peka in zawrhna te leh communication leh business tan an hamng nasa. Websites ah hian personal tan pawh an hmang nasa vek tho. Tun tuma kan tutorial hi pawisa tello a free websites/blogs siam dan ani.

Kei pawh online ah hian kalo hai ve nual tawh. Newbie kalo ni ve tawh bawk thin. Blogger i nih dawn chuan newbie nih hmasat phawt a ngai tih hi kan hriat a pawimawh. Nge pro i lo ni tawh zawk? Tuman kan sawi theilo, thiam dan leh thiamna in anglo kan awm teuh a.

Blog or Website siam dan nazawng hi a rei lemlo a, awlsam takin a siam mai theih. Minutes reilo te ah pawh kan siam mai thei.

Keipawh blogging lam ah newbie ka nih thin avangin tihsual palh leh problems tamtak kalo tawng ve nual tawh thin.

Engvangin Nge Blog Kan Siam Ang?

He tah hi chuan blog siam chhan tlemte chi 4 te in han tarlang ila:

• 1. Blogging hi inkalpawhna leh inbiak pawhna (communication) atana kan hman lar em em ber chu ani a. Information leh news (chanchin na zawng leh chanchin thar) te in thawnkuala inbiak pawhna atan hmang nasa kan tam bawk ang. Blogs/websites maktaduai tamtak hi a awm teuh, mahse lungngai mailo in i blogs te chu chung karah chuan a lang phain lar em em thei tih kha theih nghilh lo la;
• 2. Personal Blogs, journals leh diary atan hmang nasat ani bawk. Nangmah leh namgah i in tarlan leh pho lan na atan pawh tangkai tak ani. I nihna leh i thiamna te chu Internet ah chuan mite tana tangkaina leh thehdarh nan a tangkai em em.
• 3. Lehkha ziak thiam leh ziak mi i nih phei chuan awlsam em em in i thu leh hla te chu thehdarh mai theih.
• 4. A tawpna atan chuan Pawisa siam leh zawnna (Make Money) atan awlsam tak leh hlawk takin kan siam thei!

Hengte hi i lo hre tawh pawh ani thei a, mahse hriat reng atan pawh a tha tho ania.

Blogging Platform Enge Ka Thlan Ang

Zawhna pakhat rawn awm leh chu eng blogging platform nge kan hmang ang tih hi ani. A hnuai ah hian free Blogging Platform lists larzual hi han en ila:

1. Blogger

2. Wordpress

3. Weebly

4. Wix

5. Tumblr

6. Medium

7. LiveJournal

8. Ghost

Hengte hi Blogging Platform larzual deuh leh mite hmang tam deuh pawl anni a, pawisa ngailo (free) ani. Henglo pawh hi tamtak a awm teuh tho. Heng zing ah pawh hian lar bik em em pahnih te chu Blogger (Blogspot) leh Wordpress te hi an ni.

Blogger leh Wordpress te hi simple taksi, mahse a hmangtu blogger azir in quality sang tak website ah a siam theih. Mi te hi heng atang vek hian website hi an siam tan vek ani.

Blogger Blogspot Kan Thlang Ang

Tun tum ah hi chuan Blogger Blogspot siam dan leh bul tan a hman dan kan en a nga. Blogger Blogs reng reng chu Google ah a in hosted vek a, a subdomain chu blogspot.com ani. Blogger hi kei chuan ka thlang zawk ani. Mahse, Blogger Blog hi a tha bik ka tihna anilo a, mitam tak chuan Wordpress.com hi thlang an tam em em bawk. Google Blogger a thatna bik leh mite duh a hlawh bikna thenkhat chu:

• Siam a awlin kan siam zung zung thei a, free blog a ni (pawisa ngailo)
• Blogger hi chuan Free Themes leh templates tamtak chhiar sen lohin download tur a awm teuh. Design leh edit ah pawh limited a nei velo. Blogger themes te chu a thlawn leh pawisa ngai (free theme and premium theme) a awm a, free theme ah pawh hian premium level tluk tamtak a awm. HTML lam ah kan thiam anih chuan premium theme chu free ah kan siam thei.
• Blogger blogspot zirna leh siam dan ah pawh hian blogger tutorials tam tak leh forums a awm teuh, tihsual emaw hriat loh leh siam thiam loh kan neih chuan lungngaih tur reng reng a awmlo.
• Blogger hi chu rang taka siamin quality tha taka leh perfect takin kan siam mai thei.
• Blogger kan siam zawh chuan mite hmuha tlangzarh mai hi a awl em em, kan share nghal theia, comment a pung awla, Gogole search engine hian alo index nghal zung zung a, khawvel hi awlsam takin a dap chhuak hma.
• Blogger Blogspot hi Google ta ani. Google Search engine https://www.google.com hi mite hmang tam ber ani a. Thufing tawite ah pawh "Google Hi Thiantha Ber ah Hmang Ang Che," "School atanga thiamna ai Google atanga ka thiamna hi a tam zawk" tihte kha i hria ang chu. :P Google Search engine nen inkawp anih vangin Google Search engine ah chuan kan submit, index nghal zung zung thei (automatically). SEO (Search Engine Optimization) lamah hma kan sawn chak bik thei ang ti ila a sual lo mai thei. Blogger Terms i zawmlo emaw, Google hi a tla chhe rawp emaw, i blog an hacked sak che anih loh chuan i blog chu a thi (dead) mai mai dawnlo anih bawk chu.

Tichuan, Blogspot atang hian Self-Hosting ah kan sawn leh thei bawk. Mahni domain hmang kan duh pawhin awlsam takin kan thlak mai thei.

Subdomains kalhmang chu yourblog.blogspot.com (Blogger), yourblog.wordpress.com (Wordpresss), yourblog.tumblr.com (Tumblr) ang chi khan a kal dawna. Mahni domain kan hmang dawn chuan yourblog.com, yourblog.net, yourblog.info ang chi ah kan thlak mai thei. Chuvangin free self-hosting domain kan hmang dawn chuan limit anei tih kan hria anga, free hosting domain kan hmang dawn chuan pawisa ngai loin free ani dawna, subdomain chauh in kan hmang thei ang.

Blogger Blogspot chu domain hranah i thlak ta a, mahse i domain lei chu i renew thei tawhlo anih chuan i blog leh posts zawng zawng chu a chhelo ang. I blog ngaite yourblog.blogspot.com ah chuan a kir leh mai dawn ani. Mizo websites leh blogs ah hian sites down tamtak hmuh tur a awm nual mai. Chuvangin, self-hosting domain i hmang emaw/custom domain i hmang emaw anih pawhin Blogger leh Wordpress atang siam hi a sualna a tlem ber mai thei.

Blogger ah Blog Siam Dan

Hmasa berin Google Account siam angai a. Google Account ila neilo emaw, i siam thiam chiahlo anih chuan Google Account Siam Dan hi en ang che. Tun tum tutorial hi blogger siam ngailo leh beginner tan ani kan tih tawh kha.

Step 1. Google Blogger (https://www.blogger.com) ah hian click la, Blogger Blogspot siamna a rawn lang ang.

Step 2.  Sign In tih ah sawn Click la, Gmail account hmang i tum nen chuan Sign In leh phawt ang che.

Step 3. I Google account nen i Sign In zawh hnu chuan Profile siamna ah a hruai che nga, Profile siamna a rawn lang leh ang.

Step 4. Profile siamna ah hian Google Plus nge Blogger Profile nge kan hmang ang tih kan thlang a nga. Mahse, heichu nakin ah pawh kan thlak thei tho e. Continue to Blogger tih kha click leh mai la.

Step 5. Blogger Dashboard ah i thleng nghal ang. I blogger account chu a nung (live) ta ani.

Step 6. Blog kan la siam loh avangin a chung kilte a 'New blog' tih ah hian click la;

Step 7. Blog Title leh Blog Address thar siamna tur alo lang ang.

Title ah khian Mizo Life Style tih kan ti chhin ta a, Address ah pawh mizolifestyle tih kan hmang dawn ta a. Tichuan, free domain address kan hmang dawn vang leh Blogger Blogspot anih vangin subdomain ah .blogspot.com - mizolifestyle.blogspot.com tiin kan hmang a ngai ang. Kan duh ber blog address chu kan siam thei em? hmang theih leh awl (available) ani em tih amahin a rawn test nghal a nga. A theihloh anih chuan unavailable tiin a rawn sawi ang.

A chhanchu kan siam duh blog address chu mi dangin emaw an lo hmang tawh vang tihna ani. Tlema danglam deuhin emaw kan thlak leh mai ang. Mizo Idea (mizoidea.blogspot.com) tih kan test leh chuan tuman anla siamlo tih rawn langin, Available ta ani.

Step 8. Kan blog address chu hmang theih anih vel ah Theme ah hian i duh ber theme/template chu select la. Mahse, hei pawh hi nakin hnuah kan thlak leh vek thei tho ani.

Related: Blogger Theme Thlak Dan leh Install Dan 

Tichuan, Create blog! tih khi click la, nangma blog chu i siamzo ani mai. Awlsam tak ani.

I blogger blog siam zawh chuan vei lam sir kil View blog atang sawn i blog chu i en thei ang.

Vei lam sir ah hian Options a awm nual a. Posts ah hian posts siamna hmunpui, Stats ah hian i blog tlawhtu (visitors) en zat leh ram (visitors' country) enna ani a; Comments section ah hian i blog a comments na ho enna; Earnings ah hian kan blog atanga pawisa siamna (Adsense) ani a; Campaigns ah hi chuan Google Adwords siamna - kan blogs leh posts te chu Google Search engine ah pawisa senga va lan tirin advertise na hmun ani a; Pages ah hian kan blog Pages siamna - 'About Us', 'Contact', 'Privacy Policy', etc., ang chi siamna ani ber - posts section nen hian a inang lo deuh mai ani; Layout ah hian blog theme/template pian hamng leh inrel dan siamna; Theme ah hian theme/template edit leh thlakna; Settings ah hian language, address thlakna, etc., a awm nual. Awle heng ho hi chu nakin lawkah kan hre leh zel mai ang.

Related: Blogger Pianhmang leh Inrel Dan

Hei hi blogger blogspot siam dan chu ani ber mai. Heng i siam zawh chuan tih tur chu ala awm nual a. Theme thlak leh install dan te, CSS leh JavaScript hmanga design dante pawh ala awm nual.

Sawi tawh ang khan tuna tutorial hi blogger hre ngailo, la siam ngailo leh hmang ngailo (newbies) tan ani. Blogger Blgospot hi chu duh tawka free in kan edit leh design thei ani. Free website or blog siam dan hi a awlsam em em a, blog platforms tam tak thlan tur pawh online ah a awm teuh a. La khawih thang em em lo tan pawn hriatthiam awlsam tak ani. Thiam tawk te a kan rawn share ve hi blogger blog siam thiam lo te tan alo tanpui cheu ka beisei.

Happy Blogging!

• Tweet
• Share
• Share
• Share
• Share