Blogger Custom Permalink Hman Dan

Custom Permalink hman dan hi hretawh kanlo awm tawh ngei ang. Mahse, hman dan hre ringawt mah ila a pawimawhna kan hriat pawh hi hrelo kan awm chuan a tangkai em em, SEO hmasawn tu pakhat ani. Blogging lam ah newbie kan nih chuan On-Page SEO leh Off-Page SEO awmzia leh kalhmang hi kan hriat a pawimawh a. SEO chungchang engmah kan hriat loha kan ngaih pawimawh loh chuan quality tha tak sites kan nei thei dawnlo a, Search engine Google, Bing, Yahoo etc., ah te pawh mite zawng hmuh theih loh nih a awl khawp mai. Blog posts kan siam hma hian minutes reilote tal chu hun kan hman theih a tha a, kan thil tum, kan posts ziah chhan chu chiang taka kan ngaihtuah hmasat a ngai.

Related: Blogger Post Title ah H1 Tag Thlak Dan

Kan hriat reng tur chu posts title/url emaw a chhunga thuawm leh search engine ah mite anlo zawh dan tur keywords chu kan ziak tel em tih hi kan hriat chiang a ngai em em. Search results lam ah kan posts chu a lo lang awlsam a lang hmasa pawl a nih theih nan hmalak a ngai reng thin. Mi tam takin posts URLs leh title in anglo fai vek, URL kimchanglo hmuh tur a awm nuala. Chuvangin, Blogger ah Custom Permalink hman dan leh kan ngaih pawimawh a ngai reng ang.

Custom Permalink Chu Enge Awmzia

Custom Permalink tih awmzia chu URL filed ah kan duh ang keywords chu thlak danglam leh kan duh dana ziah luh theihna ani mai ang chu.

Blogger nih dan phung ah chuan posts kan siam reng rengin Title hmangin URL tur automatic in alo siam nghal zel a. Title sei lutuk anih chuan URL chu alo cut a, kim changlo leh keywords alo tel loh chan a awm thin. Chung ah chuan title lo sei emaw ni mahse URL chu SEO optimized taka kan thlak theiha, keywords kan duh anga ziak lutin, tawi fel taka siam chawp theihna ani.

Tehkhinnan -
Mihring leh Rannung Zawng Zawng Tana Pawimawh Boruak Tha tih title nise;
http://example.blogspot.com/2017/3/mihring-leh-rannung-zawng-zawng-tana.html tih chauhin alo in cut theia, a pawimawh ber keywords 'boruak tha' tih chu a URL ah a tel talo.

Chuvangin http://example.blogspot.com/2017/3/mirhing-leh-rannung-tan-pawimawh-boruak-tha.html tiin Custom Permalink hmangin kanla tawi thei ang. Title leh URL hi in ang kher kher a ngailo a, mahse inpersan hmak tur ani chuanglo. Keywords kha pawimawh ber anih vangin lamtawi (short-tail-keywords) kan hmang thei ang.

Related: Google Webmaster Tools ah Blogger Sitemap Theh Luh Dan

1. Published tawh posts chu thlak theih ani tawhlo a, mahse kan thlak duh tho anih chuan 'Draft' a ngai ang. Published posts chu 'Revert to Draft' atang 'Draft' ah siam lehin kan edit leh thei. Mahse, search engine ah index tawh anih chuan miten i URL thar kha an hmu lawk thei dawnlo a, 404 Error Page anih dawn vangin Custom Redirect URL hman dan hi kan hriat a ngai bawk ang. Chhanchu URL hlui kha URL thar zawkah auto redirect tir angai.

2. Posts kan ziah lai emaw, draft post pawh nise dinglam Post Setting ah khan Permalink kha i hmu ang.

Kan han click chuan 'Automatic Permalink' leh 'Custom Permalink' a awm anga.
'Automatic Permalink' ah chuan title hmanga auto link siamsa kha a ring ang.

'Custom Permalink' ah chuan mahni in fimkhur tak leh keywords hre rengin kan siam thei ang.

http://example.blogspot.com/2017/3/ ..... .html tih hi chu thlak theih anilo ta a.
Chuvangin, custom permalink chu kan hman duh chuan 'dash' ' - ' nen inkhat tur ani a. Hawrawp hmang theihte chu - characters (a to z, A to Z), numbers (1 to 0), underscores, dash leh period (.) an ni.

http://example.blogspot.com/2017/3/custom-permalink-hman-dan.html tiin a rawn in siam ang.

Henga keywords tel si, a chhunga thuawm nen inrem thlapa, URL kan siam theih chuan SEO hmasawn tirtu pakhat ani a. Hengte hi ngaih pawimawh a tha. Mizo blogs tamtak post ah pawh hian URL ah keywords kimchanglo, thupui tur ber telta lo hi a awm nual mai. Heng kan ngaih pawimawha Custom Permalink hmanga post title leh url dik tak kan siam zel chuan search results ah kan posts te chu alo lang duh bik anga, ranking lam ah kan sang ang.