(SEO) Search Engine Optimization Awmzia

SEO Awmzia

Google, Yahoo, Bing Search Engines ah i duhzawng i zawn reng rengin i terms leh keywords hman azir khan search results ah chuan a rawn lang teuh anga. A tlangpuiin rawn lang hmasa ber posts leh pages chu mi tam takin an en hmasa ber thin a. Tichuan, i thil zawn zinga thu nen inkungkaih ni tho si, mahse search results ah hnung em em ah pawh a awm teuh tho. I phrase leh keywords zawn chu search engines ah chuan a awm teuha, mahse thenkhat chu result pages 'Next' zel ngai leh hnunglam ah va hai kual chiam loh chuan hmuh mai mai theih anilo thin. Chungchu SEO hniam tak (poor SEO) tihna ani. SEO awmzia chu khanga websites leh blog posts lang tura siam thiam leh technique chu SEO (Search Engine Optimization) anti ani.

SEO awmzia

SEO (Search Engine Optimization) awmzia chu a tawi zawng chuan, pawisa ngailo a blog tlawhtu (getting traffics free) neih ngah leh dan pangai (natural) taka search engines results ah hmunsang chang theih leh hmasawn dan ani. SEO tum ber chu websites leh blogs te, thu leh hla te, videos leh images te, heng posts leh pages zawng zawng te chu pawisa ngailo leh dan pangai zawma dik taka Search Engines ah mite hmuh awlsam leh tlangzarh chak tak theih dan techniques ani ber mai. Internet marketing ah hian SEO hi a pawimawh ber ani. SEO thalo tak blogs kan neih chuan blog tlawhtu (Page Visitors) kan nei tlem phah thin nghe nghe.

SEO Pawimawhna

I websites leh blogs te chu websites posts tam tak zing ah pawh Search results ah lang hmasa ber tura siam leh Search engines ah hmun sang tak chang thei tura hmasawn dan leh techniques hi kan hriat chu a pawimawh dawn a. SEO tha tak leh thiam taka hmang rere chuan an websites te chu mite en tam lam an hlawh bik a, hmuh hmasat ber pawl anni thin. Mi tam tak te chu an inel (competitions) nasa em em. Google search engines ah hian an posts te chu lang hmasa ber ni tur hian SEO hi an ngai pawimawh em em. Search engines results ah hian a hmasa bera lang theih hi a har em em a, mahse thenkhat tan chuan awlsam leh taksi ani bawk thei.

Tehkhin nan 'online marketing guides' tih hi Google Search ah han vua lut ta ila:

SEO chu enge a awmzia

'Online marketing guides' nena inkungkaih posts chu 8,540,000 results a awm teuh. Mahse, 8,540,000 zing ah hian lang hmasa ber (first position) chu https://blog.kissmetrics.com/marketing-guides hi ani. Chuvangin, mi tam takin 'online marketing guides' lam ah chuan Kissmetrics.com hi en tam a hlawh ber dawn tih chu kan hre nghal thei mai ang. A chhanchu SEO lam ah a hlawhtling em em a, SEO sangtak a neih avangin Google search results ah chuan hmasa berah a lang nghal mai ani.

Mi tam takin blogs rere chu free servers ah a in hosted vangin Search engine ah hian Rank sangtak leh thatak (well-rank) neih a har anti thin. Mahse, blog then khat hosted Blogger hi chu chak tak leh Internet ah pawh hmun tha tak chang theih vek ani. Evangnge tih chuan SEO (Search Engine Optimization) dik kan hmang anih chuan, chances tam tak kan nei thei ani. Kan hriat ang khan Blogger Blogspot hi free ani a, Google ta ani nghal a. SEO lam ah hma kan sawn awl bik em em. SEO feltai tak leh kan ngaih pawimawh chuan eng blogs pawh nise, Search engines ah a hmasa pawl kan luah thei tlat. Mizo te pawh hian SEO hi chiang taka hriat kan ngai niin ka hria a. A chhanchu tun ang Globalization khawvel ah hian information technology hian min huap leh min hreng hneh tawh em avangin, loh theihloh hian internet technology hi kan hriat a ngai a. Online ah hnathawhna te, pawisa zawnna te, engkim dah tha in, websites te blogs (weblogs) te kanla siam chur chur dawna. Chuvangin, SEO hi kan ngaih pawimawh loh leh kan thlahthlam mai mai chuan kan competitors ten min lak sak mai dawn ani.

Heng SEO awmzia leh pawimawhna te hi tlem te chauh ala ni a. Black Hat SEO hmang aiin White Hat SEO kan hmang chuan nakin hnuah kan tana tha leh tur vek ani. Kan hai leh bengvar taka research leh practical kan neih chuan hmasawnna tam tak kanla la lut teuh ang. Keimah ngei pawh SEO lamah thiam lohna leh tihsual kalo ngah ve em em thin. Tunah ngei pawh hian SEO thiamtak ka ni ka inti ngam hauhlo. Tuna ka rawn share ve teh mai hi professional leh expert tak nilo mah ila, ka thiam tawkin ka rawn ziaka. Mizo tawng diklo tam tak pawh a awm thei a, a Mizo tawng tak ah hi chuan buailo mai ula. :D SEO awmzia leh pawimawhna hi Mizo ten kan hriat ka beisei em em ani.
Previous Post
Next Post

post written by:

1 comment:

  1. Blog cu in zarah ka siam ve a thei a,mahse,Facebook ah te whatapps ah te ka blog thehlar dan hi ka ve hre ve,chiang deuhin min hrilh theih chuan ka lawm hle ang.

    ReplyDelete