Hmanni lawk khan Google in Blogger a 'Template' tih hi 'Theme' tiin an thlak a. Wordpress hian Template tiin hmang a dahlo a, 'Theme' tiin a hmang ve bawk. Tun ah hian a chang leh Template emaw, Theme tiin emaw kan hmang dawna, kan hre reng dawn nia. Blogger template/theme kan han design hma tak tak hian, blogger template a ziarang leh a bultan (basic) kan hriat hmasat hi a pawimawh ber a. A tlangpui chuan, Blogger Theme structure zawng zawng pawh hi ang khat vek chu anni lemlo, design dang hran deuh a awma, design pangaia nalh leh tha taka design an siam pawh a awm bawk. Mahse, template structure leh design awmdan pangai tak kan hriat chuan mahni blog chu kan siam kualin, kan duh danin kan design thei mai dawn ani.
Blogger template chhunga sections tamtak i hmuh ngun tlangpui ah chuan: headers, footers, post sections te hi an ni ang. Mahse, heilo sections tam tak pawh hi anla awm nual a. Chungte chu webpage kan load in computer screen ah lang velo te pawh anni thin.
A Chunga Sections Hi Han Sawifiah Tum Deuh I La:
- Body: Blogger template lang thei chin atanga a chhunga sections dang awm zawng zawng tuamtu emaw, sections dang zawng zawng in nghahna ti ila hriatthiam theih ang (Mother section te pawh anti).
- Outer-wrapper: hei pawhhi template khuhvek tu ani a (mahse body section hi a awmna hmun a pawn zawk mai thei). Hetah ber hi chuan sections dang te nau tete kan dah lut thei a, Outer-wrapper chhunga awm thin tlangpui chu Header, Content, Footer te an ni.
- Header: he section hi blog chung bera awm thin ani (e.g. hming leh tilte, description). Mahse, Header section ah hian sections dang pawh kan dah lut thei tho, e.g., Adsense banners, Ads Slots, Menu bar, etc.
- Content-wrapper: Content-wrapper hnuai ah chiah Content section hi a awm tlangpui. Content section hi blogger template ah pawimawh ber zinga mi ani. Tuna i lehkha chhiarna awmna ber pawh ani a, Sidbars sections te te a keng tel veka, Comments, posts, leh Ads awmna ani deuh ber.
- Footer: Footer section hi template hnuai bera awm thin a. Footer section ah chuan Ads, About, Contact emaw sectioin dang an dah thin.
- Main-wrapper: Main-wrapper hi Content-wrapper chhunga pawnlang ber ani. He Main-wrapper chhung ah hian Post section, Commet section, Date header, leh widgets dangte a dah belh theih ang chi an dah.
- Sidebar: Sidebar section hi blog page dinglam sir ber emaw, veilem sir ber ah a awm thin, sidebar section chhung ah chuan Widgets, About, Labels, Archive, Text, HTML, Ads, Popular Posts, Recent Posts, etc. awmna hmun ber ani.
- Post: He section ah hian pawimawh em em i blog Posts, Post Titles, Post Author, Labels, Tags, etc., awmna hmun pui ber ani.
Sections Inthuah Dan Leh Inzawm Thlak Dan:
A chunga a indawt thlak dan hi Blogger Template a an hnathawh dante, a inthuat dan te te ani.
Henga Blogger Theme awmdan, structure i hriatthiam chuan nakin leh zela i blogger template design i duh hunah harsatna lakah a veng ka beisei. Heng te te hriatthiam chuan mahni duhna lai ah Widgets emaw, thildang nalh tak tak leh tha takin kan dah lut zung zung thei dawn a. HTML code thiam lo pawh kanni thei, mahse HTML code ziah va thiam lo mah ila blogger template kalphung leh a awmdan kan hriat chuan kan blog chu mawi takin kan design thei anga. Heng kalphung i hriat loh chuan harsatna leh dah sual, tihsual atam bik a, siam that leh pawh a hara, i blog thasa pawh tihchhiat leh palh a awl a. HTML code va zir chiam ngailo in heng te te tang hian i blogger template/theme design hunah a tanpui ngei ang che.
0 comments: